জৈন নীতিতত্ত্বৰ কেইটামান চমু প্ৰশ্নোত্তৰ
১। জৈন দৰ্শন বৈদিক নে অবৈদিক দৰ্শন?
উত্তৰ: অবৈদিক দৰ্শন।
২। 'জৈন' শব্দৰ অৰ্থ কি?
উত্তৰ : জয় কৰা অৰ্থাৎ কামনা-বাসনাক জয় কৰা।
৩। জৈন দৰ্শনৰ প্ৰৱৰ্তক কোন?
উত্তৰ : মহাবীৰ।
৪। মহাবীৰৰ আন এটা নাম কি?
উত্তৰ : বৰ্ধমান।
৫। জৈন দৰ্শনৰ শাখা দুটা কি কি?
উত্তৰ : দিগম্বৰ আৰু শ্বেতাম্বৰ।
৬। জৈন দৰ্শনৰ প্ৰথম তীৰ্থঙ্কৰজন কোন?
উত্তৰ : ঋষভদেব।
৭। জৈন দৰ্শনৰ সৰ্বশেষ তীৰ্থঙ্কৰজন কোন?
উত্তৰ : বৰ্ধমান বা মহাবীৰ।
৮। জৈন দৰ্শনে ভগৱান বা ঈশ্বৰ বিশ্বাস কৰে নে?
উত্তৰ : নকৰে।
৯। জৈন দৰ্শন অনুসৰি মুক্তিপ্ৰাপ্ত লোকসকলক_____ বোলা হয়।
উত্তৰ : অৰ্হৎ।
১০। 'তীৰ্থঙ্কৰ' মানে কি?
উত্তৰ : 'তীৰ্থঙ্কৰ' শব্দৰ আক্ষৰিক অৰ্থ হল 'তীৰ্থৰ প্ৰতিষ্ঠাতা'। কামনা-বাসনাক জয় কৰি যিসকলে মানুহক সংসাৰৰ মায়া-মোহৰ পৰা মুক্তিৰ পথ দেখুৱাব পাৰে তেওঁলোকেই তীৰ্থঙ্কৰ।
১১। কেৱলজ্ঞান বুলিলে কি বুজা?
উত্তৰ: সম্যক জ্ঞান বা যথার্থ জ্ঞান।
১২। আশ্ৰৱৰ ধাৰণাটো ভাৰতীয় দৰ্শনৰ কোনটো সম্প্ৰদায়ৰ লগত জড়িত?
উত্তৰ : জৈন দৰ্শন।
১৩। জৈন মতে কৰ্ম কেই প্ৰকাৰৰ?
উত্তৰ : আঠ প্ৰকাৰ।
১৪। ত্ৰিৰত্ন কাক বোলে?
উত্তৰ : জৈন দৰ্শনত মোক্ষ লাভৰ তিনিটা মাৰ্গ ক্ৰমে সম্যক দৰ্শন, সম্যক জ্ঞান আৰু সম্যক চৰিত্ৰক একেলগে ত্ৰিৰত্ন বোলা হয়।
১৫। জৈন দৰ্শন মতে মোক্ষ লাভৰ প্ৰক্ৰিয়া দুটা কি কি?
উত্তৰ : সম্বৰ আৰু নিৰ্জৰা।
১৬। জৈন পঞ্চব্ৰত কেইটা কি কি?
উত্তৰ : পঞ্চব্ৰত কেইটা হল--- অহিংসা, সত্য বা সুনৃত, অস্তেয়, ব্ৰহ্মচৰ্য আৰু অপৰিগ্ৰহ।
১৭। অনুব্ৰতৰ অৰ্থ হল মাহাব্ৰতৰ বৃহৎ / অনু অংশ।
উত্তৰ : অনু অংশ।
১৮। মহাব্ৰত পাঁচ/ছয়/চাৰি প্ৰকাৰৰ।
উত্তৰ : পাঁচ প্ৰকাৰ।
১৯। গুপ্তি বুলিলে কি বুজা?
উত্তৰ : কায়, মন আৰু বাক্যৰে অহিংস কৰ্ম সাধনক জৈন দৰ্শনত গুপ্তি (ত্ৰিগুপ্তি) বোলা হয়।
২০। সমিতি বুলিলে কি বুজা?
উত্তৰ : সমস্ত জীৱৰ হিত সাধন আৰু কোনো পীড়া উৎপাদন নকৰাই সমিতি। সমিতি পঞ্চবিধ--- ঈৰ্ষা, ভাষা, এষণা, আদান আৰু উৎসৰ্গ।
২১। কষায় বুলিলে কি বুজা?
উত্তৰ : কষায় বুলিলে যিয়ে আত্মাক পাপ পথত লৈ গৈ বিনষ্ট কৰে তাকে বুজায়। কষায় হল ক্ৰোধ, লোভ, মান আৰু মায়া--- এই চাৰিবিধ বাসনাৰ সমষ্টি।
২২। জৈন দৰ্শনে নৈতিক বিধি / জ্ঞানতত্ত্বৰ ওপৰত বহুত বেছি গুৰুত্ব আৰোপ কৰিছে।
উত্তৰ : নৈতিক বিধি।
২৩। আশ্ৰৱ বুলিলে কি বুজা?
উত্তৰ : আত্মাত কৰ্মপুদ্গলৰ অনুপ্ৰবেশক আশ্ৰৱ বোলা হয়।
২৪। নিৰ্জৰা বুলিলে কি বুজা?
উত্তৰ : তপস্যাৰ দ্বাৰা জীৱৰ লগত পূৰ্বৰে পৰা সংযুক্ত থকা কৰ্মপুদগলৰ ক্ষয় সাধনে হল নিৰ্জৰা।
২৫। সম্বৰ বুলিলে কি বুজা?
উত্তৰ : আত্মা বা জীৱত কৰ্মপুদগলৰ অনুপ্ৰবেশ ৰূদ্ধ কৰাকে সম্বৰ বোলে।
তথ্যসূত্ৰ:
হেমন্ত কুমাৰ ৰায় : নীতিবিদ্যা, ইউনিয়ন বুক পাব্লিকেশ্যন, গুৱাহাটী।
প্রথম অধ্যায়ৰ ভিডিও:
Comments
Post a Comment