নীতিবিদ্যা বা নীতিবিজ্ঞানৰ সংজ্ঞ আৰু অৰ্থ (Definition and Meaning of Ethics)

১।. নীতিবিদ্যা বা নীতিবিজ্ঞান কাক বোলে? Ans উত্তৰ:  নীতিবিজ্ঞান হ’ল সমাজত বসবাস কৰা মানুহৰ আচৰণ সম্পৰ্কীয় এক আদৰ্শনিষ্ঠ বিজ্ঞান৷ নীতিবিজ্ঞানত মানুহৰ আচৰণৰ ভাল-বেয়া, উচিত, অনুচিত, ন্যায়-অন্যায়, ইত্যাদিৰ নৈতিক মূল্যাংকন কৰা হয়৷ 

 ২. নীতিবিজ্ঞানৰ বা Ethics শব্দটোৰ বু্যৎপত্তিগত অৰ্থ লিখা৷ 

Ans: নীতিবিজ্ঞানৰ ইংৰাজী প্ৰতিশব্দ হৈছে ‘Ethics’৷ ‘Ethics’ শব্দটো গ্ৰীক ‘Ethica’ শব্দটোৰ পৰা আহিছে৷ ‘Ethica’ শব্দটো আকৌ ‘Ethose’ শব্দৰ পৰা লোৱা হৈছে৷ ‘Ethose’ শব্দটোৰ অৰ্থ হৈছে চৰিত্ৰ, আচাৰ-ব্যৱহাৰ, ৰাতি-নীতি বা অভ্যাস৷ গতিকে ব্যুৎপত্তিগত দিশৰ পৰা নীতিবিজ্ঞান হ’ল এনে বিজ্ঞান য’ত মানুহৰ চৰিত্ৰ, আচাৰ-ব্যৱহাৰ, বা ৰীতি-নীতি সম্পৰ্কে আলোচনা কৰা হয়৷

 ৩. নৈতিক দৰ্শন বা Moral Philosophy ৰ বু্যৎপত্তিগত অৰ্থ কি?

Ans: নীতিবিজ্ঞানক নৈতিক দৰ্শন বুলিও কোৱা হয়৷ নৈতিক দৰ্শনৰ ইংৰাজী প্ৰতিশব্দ হ’ল ‘Moral Philosophy’৷ ‘Moral’ শব্দৰ লেটিন শব্দ ‘Mores’ ৰ পৰা উদ্ভৱ হৈছে৷ ‘Mores’ শব্দৰ অৰ্থ হৈছে ৰীতি-নীতি বা অভ্যাস৷ গতিকে ব্যুৎপত্তিগত দিশৰ পৰা নৈতিক দৰ্শন হল মানুহৰ ৰীতি-নীতি, প্ৰথা বা অভ্যাস সম্পৰ্কীয় বিজ্ঞান৷ 

৪৷ মেকেঞ্জীয়ে উল্লেখ কৰা নীতিবিজ্ঞানৰ সংজ্ঞাটো কি? 

Ans: মেকেঞ্জীয়ে নীতিবিজ্ঞানৰ সংজ্ঞা দি কৈছে – “নীতিবিজ্ঞান হ’ল মানুহৰ আচৰণৰ শুদ্ধতা বা শ্ৰেয় সম্পৰ্কীয় বিজ্ঞান৷” 

৫৷ উইলিয়াম লিলি আগবঢ়োৱা নীতিবিজ্ঞানৰ সংজ্ঞাটো কি? 

Ans: উইলিয়াম লিলিয়ে নীতিবিজ্ঞানৰ সংজ্ঞা আগৱঢ়াইছে এনেদৰে– “ নীতিবিজ্ঞান হ’ল সমাজত বাস কৰা মানুহৰ আচৰণ সম্পৰ্কীয় আদৰ্শনিষ্ঠ বিজ্ঞান, যি বিজ্ঞানে এই আচৰণ উচিত নে অনুচিত ভাল নে বেয়া ইত্যাদিৰ বিচাৰ কৰে৷”