নৈতিক বিচাৰ আৰু নৈতিক বিচাৰৰ বিষয়বস্তু (Moral judgement)

১। নৈতিক বিচাৰ কাক বোলে? 

 Ans: নৈতিক বিচাৰ বুলিলে বুজায় মানুহৰ স্বেচ্চাকৃত কাৰ্যৰ অৰ্থাৎ আচৰণৰ ভাল বেয়া বিচাৰ৷ গতিকে যি অবধাৰণাৰ দ্বাৰা মানুহৰ স্বেচ্চাকৃত কৰ্ম বা আচৰণৰ ভাল-বেয়া, ন্যায়-অন্যায়, উচিত-অনুচিত আদি বিচাৰ কৰা হয় তাক নৈতিক বিচাৰ বোলে৷ 

     অথবা 

যি অবধাৰণাৰ দ্বাৰা মানুহৰ কৰ্মৰ বা আচৰণৰ ভাল-বেয়া, উচিত-অনুচিত,ন্যায়-অন্যায় আদি নিৰ্ণয় কৰা হয় তাক নৈতিক অৱধাৰণ বা নৈতিক বিচাৰ বোলে৷ 

 ২। নৈতিক বিচাৰৰ বিষয়বস্তু কি কি? 

 Ans: ঐচ্চিক ক্ৰিয়া নীতিবিদ্যাৰ মূল আলোচ্য বিষয়৷ ঐচ্চিক ক্ৰিয়াক বিশ্লেষণ কৰিলে ইয়াৰ তিনিটা স্তৰ– [ক] মানসিক [খ] শাৰীৰিক বা দৈহিক আৰু [গ] পৰিসমাপ্তিৰ স্তৰ কেইটা পোৱা যায়৷ দৈহিক বা শাৰীৰিক স্তৰ নৈতিক বিচাৰৰ বিষয়বস্তু হ’ব নোৱাৰে৷ কাৰণ দৈহিক ক্ৰিয়া যান্ত্ৰিক৷ ই কেৱল মানসিক সিদ্ধান্তৰ বাহি্যক প্ৰতিফলন৷ পৰিসমাপ্তিৰ স্তৰ নৈতিক বিচাৰৰ বিষয়বস্তু হ’ব নোৱাৰে৷ কাৰণ পৰিণাম বা ফল সকলো সময়তে সৎ বা ভাল নহয়৷ উদ্দেশ্য সৎ হ’লেও উদ্দেশ্য সাধনৰ উপায় যদি অসৎ হয় তেনেহলে সেই কামৰ কোনো মূল্য নাথাকে৷ প্ৰকৃততে নৈতিক বিচাৰৰ বিষয়বস্তু হৈছে অভিপ্ৰায়৷ অভিপ্ৰায়ত ঐচ্চিক ক্ৰিয়াৰ মানসিক স্তৰৰ সকলো উপাদান, যেনে– কৰ্মৰ উৎস, কামনা, লক্ষ্য, উদ্দেশ্য, উপায় আদি নিহিত থাকে৷ দৰাচলতে অভিপ্ৰায়ত মানসিক স্তৰৰ আটাইকেইটা উপাদানে পৰিসমাপ্তি লাভ কৰে৷